Marais

FEPETRA ANKAPOBENY MOMBA NY VAROTRA

Voakasik’ity fepetra ankapobeny momba ny varotra ity avokoa ireo tolotra rehetra omen’ny trano fisakafoana. Midika faneken’ny mpanjifa ity fepetra ity ny fanaovana famandrihan-toerana.

Ireo fepetra manokana nifanarahana sy nifanaovan-tsonia tamin’ny mpanjifa ihany no afaka manampy, na manamafy, na manafoana ity fepetra ankapobeny momba ny varotra ity.

Ny vidiny

Amin’ny Ariary (MGA) TTC no anehoana ny saram-bidy, saingy ho fampahafantarana dia ampiarahina eo koa ny tetibidy amin’ny Euros (izay kajiana arakaraka ny taham-pifanakalozana ny androtr’iny). Isan’olona kosa ny saram-bidy ho an’ny sakafo.

Mahakasika ny fanofana manokana ny efitrano fisakafoana na ny tolotra momba ny fahandroan-tsakafo (prestations Traiteurs) dia arakaraka ny zavatra ilain’ny mpanjifa ny sarany.

Ny saram-bidy amin’ny fotoana hanaovana ny famandrihan-toerana no ampiharina. Na izany aza, raha mihoatra ny telo volana mialoha ny daty ilàna ny tolotra ny fotoana nanaovana ny famandrihana dia zon’ny Marais Restaurant ny manavao ny saram-biby.

Anjaran’ny mpanjifa ny manapaka amin’ny fotoana hanaovany famandrihan-toerana raha mety aminy na tsia ny saram-bidy. Tsy ho raisina sy tsy ho ekena ny fandavana na fiadiana varotra amin’ny vidin’ny tolotra aorian’ny fotoana hanaovana ny famandrihan-toerana.

Fanamafisana ny famandrihan-toerana

Raisina an-tanana ary raiketina avy hatrany ny famandrihan-toerana, ankoatra ny fety/fankalazana manokana izay tsy ho raiketina raha tsy aorian’ny fahazoana ny ampaham-bola 30% amin’ny saram-bidin’ny tolotra, izay tsy maintsy aloa fara fahatarany 72 ora mialoha ny daty hangatahana ilay tolotra manokana.

Raha tsy voaray an-tanana sy tsy voavory ny vola amin’ny ampaham-bola mila aloa dia tsy afaka hanamafy ny famandrihan-toerana ny trano fisakafoana, ary tsy afaka hiantoka ny fanatanterahana ny tolotra.

Fanamafisana ny famandrihan-toerana

Ho fiantohana ny kalitaon’ny tolotra sy ho famaliana araka izay tratra ny filan’ny mpanjifa dia tsy maintsy ampahafantarin’ny mpanjifa, fara fahatarany telo andro mialoha ny daty hanomezana ny tolotra, ny tena safidiny farany. Dila io fe-potoana io dia tsy afaka miantoka ny fisian’ny sakafo na divay sasantsasany ao anatin’ny tolotsakafo (menu) ny trano fisakafoana.

Fanovàna ny famandrihan-toerana

Tsy maintsy manamafy ny isan’ny olona hasaina sy izay safidiny amin’ny sakafo ny mpanjifa fara fahatarany 48 ora mialoha ny daty hanomezana ny tolotra.

Fanafoanana ny famandrihan-toerana

Tsy maintsy manamafy ny famandrihan-toerana nataony ny mpanjifa fara fahatarany 72 ora mialoha ny daty hanomezana ny tolotra.

Raha fety/fankalazana manokana kosa ary manoloana ny isan’ny toerana izay voafetra ihany, dia tsy maintsy manaja ny fe-potoana nomena hahafahany manafoana ny famandrihan-toerana nataony ny mpanjifa, ary tsy hisy ny famarenana ny ampaham-bola naloa tamin’ny famandrihan-toerana. Araka izany, ampirisihina indrindra ny mpanjifa mba ho tapa-kevitra tsara amin’ny safidiny mialoha ny hanaovana ny famandrihan-toerana.

Na izany aza, misokatra amin’ny fifampiresahana ny trano fisakafoana raha misy fanafoanana tsy maintsy atao noho ny antony tsy azo anoharana.

Fizotran’ny tolotra omena

Amin’ny andro hanomezana ny tolotra dia tokony ho tonga ao amin’ny trano fisakafoana amin’ny ora voatondro sy nifanarahana ireo olona nasaina. Raha misy fahatarana dia hiantso ny mpanjifa nanao ny famandrihan-toerana aloha ny trano fisakafoana, ary aorian’izay dia azony atao ny manome olon-kafa ny toerana nofandrihana raha mihoatra ny adiny iray ny fahatarana.

Tsy horaisina intsony ny fanamarihana mikasika ny fizotran’ny tolotra nomena aorian’ny andro hanomezana izany tolotra izany.

Andraikitry ny mpanjifa

Tokony hanana fiantohana mialoha mifandraika amin’ny andraikitra sivily ny mpanjifa ho fiarovana azy amin’izay mety ho fahasimbana na fanelingelenana ataon’ny olona nasainy mandritra ny andron’ny fety/fankalazana, na fanelingelenana mpanjifa hafa eo an-toeana amin’io fotoana io, na fahasimban’ny fitaovan’ny trano fisakafoana. Ny mpanjifa nanao ny famandrihan-toerana irery ihany no tompon’antoka amin’izay zavatra mety ho very, na vaky na simba noho ny zavatra nataon’ny olona nasainy tamin’ny fananana sy fitaovan’ny trano fisakafoana na tamin’ireo entana nofaina nomena ampiasainy.

Ny trano fisakafoana dia tsy tompon’antoka velively amin’ny fahasimbana na fahaverezana zavatra sarobidy, paoketra, fitoerana antontan-taratasy, akanjo… an’ireo olona nasaina. Na izany aza, hanampy ny mpanjifa ny trano fisakafoana raha misy trangana halatra niseho teo an-toerana.

Fomba fandoavam-bola

Raha manao famandrihan-toerana efa misy safidy mazava dia azon’ny mpanjifa atao ny mandoa avy hatrany ny saram-bidin’ny tolotra amin’ny alalan’izay fomba fandoavam-bola mety aminy amin’ireo haroson’ny trano fisakafoana. Raha misy kômandy fanampiny dia aorian’ny fanomezana ny tolotra ny faktiora sy ny fandoavana izany.

Azon’ny mpanjifa atao koa anefa ny mandoa manontolo ny saram-bidy amin’ny fotoana hanomezana ny tolotra.

Tsy maintsy mandoa manontolo ny saram-bidin’ny tolotra rehetra nomena ny mpanjifa.

Fandoavam-bola amin’ny alalan’ny « voucher » na ny « bons d’échange »

Zon’ny trano fisakafoana ny manaiky na mandà ny fampiasana « voucher » na « bons d’échange » izay tsy azo ampiharina raha tsy amin’ireo orinasa izay efa nifampiraharaha taminy mialoha.

Raha izay no mitranga dia anjaran’ny orinasa izay mikarakara izany ny manome ny trano fisakafoana ny « voucher » mifanaraka amin’ny kômandy. Tsy azo ekena ny fanovàna io « voucher » io raha tsy misy fanomezan-dalana mialoha avy any amin’ny mpitantana ny trano fisakafoana. Tsy maintsy aloa eo an-toerana ny androtr’iny ihany ireo tolotra na kômandy rehetra nihoatra (na ireo antsoina koa hoe “extras”).

1. Ireo dingana nodiaviny

  • 2004

    Amboara tamin’ny fifaninanana “KALOU D’OR” ho an’ny faritry ny Ranomasimbe Indiana

  • 2006

    Nahazo ny loka « NORGE » momba ny fahaiza-mamorona nandritra ny fiadiana ny amboara « Trophée Passion » tany Paris/ Akademia Frantsay momba ny hainahandro
    Filohan’ny kômity mpitsara : Pierre Gagnaire

  • 2007

    Amboaran’ny Tsindrin-tsakafo nandritra ny fifaninanana hainahandro, Madagasikara

  • 2008

    Amboara « LAPOSTOLLE » tamin’ny fiadiana ny amboara maneran-tany momba ny hainahandro sy ny mofomamy tao Paris/ Akademia Frantsay momba ny hainahandro, Paris
    Filohan’ny kômity mpitsara : Thierry Marx

  • 2009

    Vahiny manokana nasaina tamin’ny Tranoben’ny Asa momba ny sakafo, tao Niort, Frantsa

  • 2010

    Teratany Afrikanina voalohany voaantso hanatevin-daharana ny Akademia Frantsay momba ny hainahandro, nandritra ny fiadiana ny amboara « Trophée Passion »
    Filohan’ny kômity mpitsara : Thierry Marx

  • 2012

    Nahazo ny loka voalohany tamin’ny Fifaninanana boky toronahandro Afrikanina/ Tsara indrindra maneran-tany/ PARIS (Boky toronahandro Lartistika)

  • 2013

    Mpifanandrina tamin’ny dingana famaranan’ny fifaninanana « Toque d’Or Mondiale” tao Toulouse/ Akademia nasiônaly momba ny hainahandro
    Filohan’ny kômity mpitsara : François Adamsky

  • 2014

    Nahazo loka tamin’ny Fifaninanana Boky toronahandro mihaja/ Natao tao Beijing, Japana (Boky toronahandro Lartistika)

  • 2015

    Nahazo loka tamin’ny fifaninanana « Fampirantiana ireo sakafo aroso tsara indrindra » (Plus Beau Buffet Traiteur) / Fiadiana ny Tompondaka maneran-tany momba ny hainahandro / nandritra ny Fampirantiana SIRHA tao LYON
    Filohan’ny kômity mpitsara : Fréderic Anton

    Nibata ny amboara tamin’ny fifaninanana CYEA ho an’ireo tanora mpandraharaha tamin’ny taona 2015/ JCI Madagascar

    Nahazo ny amboara Fankasitrahana ny asa mendrika (Trophée de l’Excellence) tamin’ny taona 2015/ Ministeran’ny Indostria sy ny Varotra

    Mpikambana manan-danja ao amin’ny « Toque Blanche du Monde »

  • 2017

    Mpitarika ny ekipa Malagasy nandritra ny lalao famaranana hiadiana ny Tompondaka maneran-tany momba ny hainahandro tamin’ny taona 2017/ICC/nandritra ny SIRHA tao Lyon

  • 2018

    Ambasadaoron’i « ROVA CAVIAR MADAGASCAR »

  • 2019

    Nahazo ny “Fourchette d’Or 2020”/ Federasiona manerantanin’ny Fizahantany
    Ambasadaoro no sady Mpitsara iraisam-pirenena nandritra ny Fifaninanana Haify tsara indrindra aty amin’ny Toerampitrandrahana (Best of Gastronomy), tamin’ny taona 2019, tao Frantsa

  • 2020

    Fandraisana am-boninahitra azy ho isan’ny mpikambana ao anatin’ny « Les Toques Françaises »,
    Fandraisana am-boninahitra azy ho isan’ny mpikambana ao anatin’ny « Toque Blanche du Monde »
    Fanamarihana : Voatery nahemotra ity hetsika ity noho ny COVID-19.

2. Ireo traikefany eo amin’ny tontolon’ny asa

  • 1998

    Sefo mpahandro tao amin’ny Vakona Forest Lodge, Andasibe, Madagasikara

  • 2001

    Sefo mpahandro mpampiofana tao amin’ny Relais de la Reine, Isalo, Madagasikara

  • 2002

    Sefo mpahandro lefitra tao amin’ny Hôtel Colbert, Antananarivo, Madagasikara
    Sefo mpahandro tao amin’ny Le Petit Verdot, Antananarivo, Madagasikara

  • 2002 - 2013

    Sefo mpahandro tao amin’ny La Varangue, Antananarivo, Madagasikara

  • 2013

    Sefo mpahandro mpanolontsaina tao amin’ny Ravintsara Wellness Hôtel, Nosy Be, Madagasikara

  • 2014

    Sefo mpahandro sy Mpitantana ny trano fisakafoana Côté Saveurs, Antananarivo, Madagasikara

  • 2015

    Fananganana ny “Lartistika Traiteur”, Antananarivo, Madagasikara

  • 2016

    Fananganana ny “Cuisine & Passion”, Antananarivo, Madagasikara

  • 2019 mandrak’androany

    Fananganana ny trano fisakafoana manandratra ny haify MARAIS RESTAURANT ANKORONDRANO

3. Ireo traikefany hafa

  • Fikarakarana sakafo ho an’ireo olona voatokana na VIP nandritra ireo Fampirantiana maro samihafa teto Madagasikara (FIM, ENJOY, Salon de l’Auto, Salon de l’Habitat)

  • Fikarakarana sakafo ho an’ireo olona voatokana na VIP nandritra ny Fihaonamben’ny mpampiasa lalana (Congrès de la route)

  • Fikarakarana sakafo ho an’ireo olona voatokana na VIP nandritra ny Fampirantiana momba ny harena an-kibon’ny tany

  • Sakafo hariva manandratra ny haify / Sakafo miranty maro isafidianana manandratra ny haify (tao amin’ny Fiadidiana ny Repoblika / ny Primatiora / Ministera /Masoivoho, sns)

  • Vahiny manokana nasaina tamin’ny Tranoben’ny Asa momba ny sakafo, tao Niort, Frantsa

  • Vahiny manokana nasaina nandritra ny Tranoben’ny Asa momba ny sakafo, tao Niort, Frantsa Mpahandro sakafo mandritra ny hetsika miavaka eny anivon’ireo orinasa/vondrona goavana eto Madagascar (raha tsy hilaza afa-tsy ny TELMA, Air Madagascar, Orange, Ericsson, CCIA, STAR, VIMA, Banky iraisam-pirenena, Banky Foibe, Vondrona erôpeanina, Masoivohon’i Frantsa, IFM, sns.)

  • Mpahandro sakafo tamin’ny hetsiky ny OSDRM (Fondation Aga Khan Madagascar)

  • Hetsika Emporium Gourmet & Groupe Indigo, Nosy Maorisy

  • Seminera momba ny hainahandro tao amin’ny Labourdonnais Waterfront & Suffren Hôtel, Nosy Maorisy

  • Sakafo hariva manandratra ny haify tao amin’ny La clef des Champs, Nosy Maorisy

  • Fanokafana ny « Café Baudelaire » tao amin’ny Ivonkolo Frantsay (Institut Français) ao Maorisy

  • Fanokafana ny "Le Hoche" ao Frantsa - Paris

  • Fanokafana ny trano fisakafoana La Petite Cour La Corniche, Mahajanga

  • Sakafo miranty maro isafidiana manandratra ny haify tao amin’ny Golf du Bassin Bleu, Nosy La Réunion

  • Sakafo hariva manandratra ny haify tao amin’ny Le LUX, La Réunion St Gilles

  • Herinandron’ny Tsiro sy Fanehoana fahandroan-tsakafo mivantana niaraka tamin’ny Lehiben’ny mpanatanteraka ao amin’ny vondrona Bocuse sy ny Sefo mpahandron’ny Mendo

  • Fiofanana tao amin’ny Potel & Chabot, Frantsa

  • Fiofanana tao amin’ny Manoir de la Boulaie 2 Michelin, Nantes

  • Fandalovana tao amin’ny Lapan’ny Elysée (nandritra ny fanazarantena tamin’ny fiadiana ny Tompondaka maneran-tany momba ny hainahandro 2015)

  • Fampisehoana nandritra ny Fampirantiana momba ny sôkôlà (Salon du Chocolat) tao Paris

  • Vahiny manokana nasaina tamin’ny Fankalazana ny hainahandro sy ny haify tao amin’ny Nosy La Réunion

  • Vahiny manokana nasaina nandritra ny Tranoben’ny Asa momba ny sakafo, tao Niort, Frantsa

  • Fandraisana anjara sy fanehoana fahaiza-manao eo amin’ny sehatry ny haify tao amin’ny CARLTON Madagascar / Le Louvre Madagascar / Le Kudeta Madagascar

  • Fankalazana ny Alin’ny Mpandraharaha, tao amin’ny Nosy Maorisy

  • Mpanolotsaina : torohevitra, fampiofanana, famolavolana, asa famoronana, karazan-tsakafo aroso, fandraisana mpiasa vaovao

  • Mpikarakara ny hetsika Tranoben’ny Asa momba ny sakafo voalohany teto Madagasikara (Mpahandro sakafo 60 avy amin’ny sehatra maro samihafa no nandray anjara)

  • Mpamorona ny Fifaninanana Lehibe momba ny nahandro sy ny fanaovana mofomamy (Grand Prix Lartistika)

  • Fanaovana sy fikarakarana sakafo hariva, indray miserana, manandratra ny haify, any amin’ireo toerana tsy mahazatra eto Madagasikara

  • Hetsika nokarakarain’ny Kaonfederasiona afrikanina amin'ny baolina kitra (CAF)

  • Vahiny manokana nasaina nandritra ny « Festival La Paulée » Prince Maurice, Nosy Maorisy

  • Fampisongadinana / Fanandratana ny haify Malagasy tao amin’ny « Hôtel Labourdonnais », Nosy Maorisy

  • Fampisongadinana / Fanandratana ny Rova Caviar Madagascar, “Fanokafana ny trano fampirantiana” ao Mantasoa, Madagasikara

  • Fampisongadinana / Fanandratana ny Roca Caviar Madagascar nandritra ny Hetsika SIRHA Lyon 2019

  • Hetsika momba ny hainahandro miaraka amin’ireo Mpahandro matihanina maro samihafa eto Madagasikara

  • Mpamorona ny hetsika « La plus grande buche d’Afrique » (270 m / ankizy sahirana ara-pivelomana 5700 isa)

  • Nampiranty sy nitokana ny Hakanto Contemporary, niaraka tamin’i Joël ANDRIANOMEARISOA

  • Sefo mpahandro faha-2 tamin’ny hetsika « AFRIKFESTIFOOD » natao tany Suisse, izay nampivondrona ireo mpahandro kalaza 10 tonga voalohany avy aty Afrika.

contact@marais-restaurant.com

Immeuble ATRIUM Ankorondrano (5ème étage) - Antananarivo

(+261) 34 50 674 97